درزی گھر آیا
”ماپ تہاڈا لینائے“
”کِس گھلیائے“
”آپے آئے آں“
”میں تے سوانا کُجھ نہیں“
”دکان میں چھڈ کے آیاں وڈیو“
”جدوں سوانا ہویا دکان تے آ جاساں“
”سِیندے کُجھ نہیں اسیں“
”ہور کیہ کردے او“
”سِیتا پاڑنے آں“
”ماپ دا کیہ کم“
”کِنا لاہونائے کِتھوں“
”جیہنے پایا ای کُجھ نہ ہووے“
”پاون والا کیہ جانے کیہ اوہنوں پیا ہویائے“
”فِیتہ کول نہیں کوئی تہاڈے ماپ کاہدے نال لینائے“
”چھڈو وڈیو
لین والیاں لے نہیں لیا جیہناں کیتا نظر نوں فِیتہ؟“
”کٹ وڈھ کون کریسی“
”ماپ تہاڈے کول اے آپے کر لینا“
درزی چلا گیا