ہِک دُکھنی
(ناظم حکمت دَہ ورھے نی جیلوں)
جے ادھا دِل مھاڑا ہے ایتھے ڈاکٹر ساب
تے ادھا چِینے وِچ جے
پِیلی نَیں نی کندھی ڈُھکنی فوجے نال،
تے روز سویلے ڈاکٹر ساب
روز سویلے
دینہہ چڑھنے سارا ای
دِل مھاڑے کی یونانے گولی لگنی اے،
تے روز رات جدوں قیدی سَیں گشنے نیں
ہسپتال جیلے نا سُنجا تھی گشنائے
دِل مھاڑا اِستنبولے رُکنائے
ہِک پُرانے خستہ گھرے نیں کولے
نالے تکو نا اج دہ ورھے پِچھوں اپنے ماڑے لوکے اگے دھرنے جوگا
مھاڑے کنے جے کجھ ہے تاں ایہہ ہک سیو ہے ہتھے وِچ
ہک سیو رَتڑا دِل مھاڑا
ایہو سوبّ اے ڈاکٹر ساب ایس ہِک دُکھنی نا
سِگٹ تماکو، جیل، نہ سُنگڑن رَگِیاں نا
راتے کی میں تکناں سِیکھاں وِچوں
ہکے نا بھار تے ہونا ای اے
پر دِل دھڑکنائے مھاڑا دُراڈیاں تاریاں نال ای