وِچ قصر قصور دھمال
نال تینڈے نِت جِیواں لالن نال تینڈے نِت جِیواں
بول تینڈے سَج ٹُکر لنگر لنگھدے پَل دا لاون
کرنی تینڈی بَھرسروَر ہے بُک دماں دا پِیواں لالن
نال تینڈے نِت جِیواں
مخمل پَٹ ہنڈاونہارے ہٹیو ہٹی وِک گئے
تینڈا کتیا تینڈا اُنیا جِیو جامہ سَج سِیواں لالن
نال تینڈے نِت جِیواں
سِر تے تینڈا چھت اسمانی دِس حَدّے دِیاں کندھاں
سردل کُل اکائی لنگھو مِٹ جائے اُچڑا نِیواں لالن
نال تینڈے نِت جِیواں
دھن دمامے وجّے جدوکے آپو اپنی پے گئی
بول تینڈے سُر ہور جگاون سُناں جے ہر جی تِھیواں لالن
نال تینڈے نِت جِیواں